LAPIS

𝑁𝑖: 𝑅𝑜𝑑𝑜𝑙𝑓𝑜 𝑃. 𝑌𝑎𝑏𝑢𝑡

𝐽𝑎𝑐𝑖𝑛𝑡𝑜 𝑃. 𝐸𝑙𝑝𝑎 𝑁𝑎𝑡𝑖𝑜𝑛𝑎𝑙 𝐻𝑖𝑔ℎ 𝑆𝑐ℎ𝑜𝑜𝑙

𝑇𝑎𝑛𝑑𝑎𝑔 𝐶𝑖𝑡𝑦 𝐷𝑖𝑣𝑖𝑠𝑖𝑜𝑛

Sa Ikot ng mundo, hindi umuiikot sa iisang sitwasyon ang buhay ng tao. Sa buhay tayo mismo ang guguhit ng ating kapalaran, tayo ang pipili ng destinasyon na ating pipiliin. Bilang guro, isang malaking hamon sa bawat guro ang dinadagok para maitaguyod ang maayos at kalidad na edukasyon. Ang simoy ng hangin na tila di mawari sa init habang ang lahat ay nagtuturo sa mga silid, bitbit ang masisining na gamit sa ikagaganda ng talakayan. Isa pang hinaing ang butas ng bulsa sa kakarampot na salapi ang bitbit mula sa pagod at pawis na kinakaya sa buong buwan ng pakikibaka. Ngunit hindi titigil sa tayog ng ningning mula sa katatagan para sa ating mga kabataan. Hirap man sa mga karanasan katumbas parin ang ngiting di matutumbasan dahil kabataan ay galak at tuwa habang natututo sa paaralan.

Ang buhay ay tulad ng lapis, sa pamamagitan ng lapis ginuguhit natin sa ating mga palad ang tagumpay na dapat makamtan. Hindi man tayo perpekto sa lahat ng oras at pagkakataon, darating sa punto na tayo ay madadapa o magkakamali pero huwag nating kalilimutan na kaakibat ng lapis ay may pambura na syang tutulong upang itama tayo sa ating pagkakamali. Tulad ng tao mayroon tayong karamay na syang sandigan sa lahat ng oras kung kailangan, upang makamit ang tuwa at maayos na resulta sa lahat ng ginagawa. Gawin nating halimuyak ang ating mga ngiti sa ating gampanin sa buhay, tayo ay patatatagin ng pagsubok upang masungkit ang inaasam na tagumpay na hiling ng ating buhay. Mga ngiting masisilayan ng ating mga mag-aaral na sya ring magpapagaan ng kanilang pasanin din sa buhay.

Sa pagod kalabaw na gawa at kilos ng mga guro, sila’y masiyahin na tila walang unos ang iparirinig sa mga giliw na munti. Ipararamdam sa kabataan ang lakas na ano mang hirap ng buhay nandito ang mga guro na aalalay at makikinig sa dilim ng mag-aaral. Handing samahan, iparamdam at itama ang mga pagkakamali dahil itong lapis ang syang silbi bilang giya sa tatahakin ng mga kabataan bilang susunod na pag-asa ng ating bayan, kaming mga guro ay naniniwala na ang “kabataan na may mabuti, at patuloy na pinatatag ng pagsubok ay syang sinag at tanglaw sa pag-ahon sa pagbabago ng kinabukasan”. Kaya’t tayong guro, huwag tayong sumuko, ilagay natin sa ating mga palad ang paghulma ng maayos at maaasahang mga kabataan. Harapin natin ang mga pagsubok na may dangal at katatagan dahil tayo ang daan, susi sa pagkamit ng kanilang maayos at masaganang kinabukasan. Huwag nating kalimutan kung saan tayo nag-umpisa at nagsimula, gawin itong sangkap upang mas lalo pa natin itong mas mapa-unlad at mas mapabuti ang ating mga sarili sa ating mga trabaho.

Sa Lapis na syang kakatawan sa ating daan, kung saan ating pinili upang maging ating mapa. Ito ang magsisilbing daluyan ng ating kapalaran, at sa bawat landas na ating tinatahak sa ano mang pagsubok ang dumating, tayo ay madapa nariyan ang pambura na syang magiging leksyon upang matuto sa mga bagay na hindi magandang mga naganap. Marami pang magaganap sa hinaharap, marami pang bagay ang magagawa sa ating piniling landas, maraming panibagong matututunan at kaalaman. Ang pagbabahagi, pagtulong sa ano mang oras ang isa sa dapat gawin dahil tayong mga indibidwal ay binigkis upang maging malakas at maging sandigan ng sino man upang makamit ang mga hangarin at layunin ng Samahan. Ang bawat leksyon na ito ang magpapatatag dahil ika nga, kinakailangan nating maging MATATAG para sa Bansang Makabata, Batang Makabansa.

🅴🅽🅳

𝘕𝘉. 𝘛𝘩𝘪𝘴 𝘱𝘢𝘨𝘦 𝘪𝘯𝘷𝘪𝘵𝘦𝘴 𝘢𝘭𝘭 𝘵𝘦𝘢𝘤𝘩𝘪𝘯𝘨 𝘢𝘯𝘥 𝘯𝘰𝘯-𝘵𝘦𝘢𝘤𝘩𝘪𝘯𝘨 𝘱𝘦𝘳𝘴𝘰𝘯𝘯𝘦𝘭, 𝘭𝘦𝘢𝘳𝘯𝘦𝘳𝘴, 𝘱𝘢𝘳𝘵𝘯𝘦𝘳𝘴, 𝘢𝘯𝘥 𝘰𝘵𝘩𝘦𝘳 𝘴𝘵𝘢𝘬𝘦𝘩𝘰𝘭𝘥𝘦𝘳𝘴 𝘵𝘰 𝘴𝘩𝘢𝘳𝘦 𝘵𝘩𝘦𝘪𝘳 𝘴𝘵𝘰𝘳𝘪𝘦𝘴, 𝘯𝘦𝘸𝘴, 𝘧𝘦𝘢𝘵𝘶𝘳𝘦𝘴, 𝘰𝘱𝘪𝘯𝘪𝘰𝘯𝘴, 𝘱𝘰𝘦𝘮𝘴, 𝘢𝘯𝘥 𝘰𝘵𝘩𝘦𝘳 𝘳𝘦𝘭𝘢𝘵𝘦𝘥 𝘸𝘰𝘳𝘬𝘴 𝘧𝘰𝘳 𝘱𝘰𝘴𝘴𝘪𝘣𝘭𝘦 𝘱𝘶𝘣𝘭𝘪𝘤𝘢𝘵𝘪𝘰𝘯 𝘰𝘯 𝘵𝘩𝘪𝘴 𝘱𝘢𝘨𝘦, 𝘋𝘦𝘱𝘌𝘥 𝘊𝘢𝘳𝘢𝘨𝘢’𝘴 𝘰𝘧𝘧𝘪𝘤𝘪𝘢𝘭 𝘸𝘦𝘣𝘴𝘪𝘵𝘦, 𝘢𝘯𝘥 𝘯𝘦𝘸𝘴𝘭𝘦𝘵𝘵𝘦𝘳𝘴. 𝘈𝘳𝘵𝘪𝘤𝘭𝘦𝘴 𝘮𝘶𝘴𝘵 𝘣𝘦 𝘸𝘳𝘪𝘵𝘵𝘦𝘯 𝘪𝘯 𝘢𝘯 𝘦𝘥𝘪𝘵𝘢𝘣𝘭𝘦 𝘧𝘰𝘳𝘮𝘢𝘵 (𝘸𝘪𝘵𝘩 𝘳𝘦𝘭𝘢𝘵𝘦𝘥 𝘱𝘩𝘰𝘵𝘰𝘴) 𝘢𝘯𝘥 𝘴𝘦𝘯𝘵 𝘷𝘪𝘢 𝘦𝘮𝘢𝘪𝘭 𝘢𝘵 𝗽𝗮𝘂_𝗰𝗮𝗿𝗮𝗴𝗮@𝗱𝗲𝗽𝗲𝗱.𝗴𝗼𝘃.𝗽𝗵