𝐌𝐚𝐠𝐭𝐮𝐭𝐮𝐝𝐥𝐨

𝑁𝑖: 𝐸𝑑𝑤𝑖𝑛 𝐺𝑢𝑦-𝑎𝑏 𝐶𝑎𝑝𝑜𝑛

𝐻𝑇-𝐼𝐼, 𝑃𝑢𝑡𝑖𝑛𝑔 𝐵𝑎𝑡𝑜 𝑁𝐻𝑆

𝐶𝑎𝑏𝑎𝑑𝑏𝑎𝑟𝑎𝑛 𝐶𝑖𝑡𝑦 𝐷𝑖𝑣𝑖𝑠𝑖𝑜𝑛

Sa pito nako katuig nga nagtudlo, makalipay makit-an nga ang mga kanhing estudyante nagmalamposon sa ilang kinabuhi.

Molantaw ko ug balik, nagsugod ko pagtudlo sa akong Alma Mater tuig 2013. Makalingaw kay pareha sa ubang bag-o pa sa field, excited kaayo magtudlo.

Grabe nakong yawyaw sa first period oy. Ug ang mga bata hilom kaayo ug na amaze. Ahak, arang biliba nako sa akong kaugilongon ato nga moment. Ug nakaingon ko sa akong huna-huna nga “good start bai”.

Ug naay nisaka sa iyang kamot. Huna-huna nako “kini mangutana gyud ni, ganahan ko ani.” Ug miingon ang estudyante “Sir, dili pa man nimo oras sir.”

So mao to, arang ulawa nako. Milakaw ko nga nipahiyom ug hinay nga miingon “piskot good start gyud.”

Sama sa tanang sipyat, makakat-on gyud ka. Sa dagan sa panahon, naka-adjust ra ko sa akong pangandoy nga trabaho. Nagtudlo ko sa high school unya nag part-time sad ko sa college.

Ug sama sa kinabuhi nga dili kaayo patas pero kaya kaayong mabaktas, English ang akong specialization unya nag tudlo ko ug Araling Panlipunan. Way sapayan gihapon, kay naa sad ko background gamay kay sa nagtungha pa ko sa usa sa mga colleges diris Caraga, akong ikaduhang kurso, adisir ko nibalhin sa education, kay AB Socio. Payts ra, mao siguro ning giingon sa iningles nga mismatch made in heaven.

Tudlo ko AP sa high school gikan alas sais sa buntag padung alas tres sa hapon, unya alas tres y medya padung alas sais, usahay alas nwebe sa gabii, college akong tudloan sa mga subjects nga Literature, Rizal ug Philippine History.

Sa ani pud nga panahona, nahimo ko nga coach sa journalism. Makalingaw nga makasapot pero laban gihapon basta naay kape taliwala sa kapoy. Pero sa panahon nga modaug imong bata mura sad ka ug nibalik pagkabata kay maglukso lukso kas kalipay.

Di lalim magtudlo oy, unom ka oras ang imong pag klase sa mga estudyante nga moabot ug tres syentos kada-adlaw. Diha ka kasugot ug nagkalainlain nga personas sa mga bata. Naay buotan, badlungon, brayt, ug hilumon. Taliwala aning tanan gatan-aw gyud na sila sa imoha nga sundunon.

Taas pud ang expectation sa mga ginikanan sa mga magtutudlo. Magtuo sila nga daghan ka ug kwarta, hayahay ang trabaho ug labaw sa tanan ikaduhang ginikanan. Mao nang usahay maglibog ka usahay kung unsa gyud imong papel. Kay kung sa kwarta, pitaka naman lang ang naa.

Makalipay pag masugatan ug mahimamat nimo pagbalik ang mga kanhing estudyante. Makalipay nga makita silang nagmalampuson sa ilang pagpaningkamot. Dili lang kay sa pagkab-ot sa diploma, ang pagkab-ot sa kalipay labaw na.

Sakit man nga makit-an ang uban estudyante nga wala makahuman ug makab-ot ilang mga damgo sa kinabuhi, apan ang kanunay nga pagtambag ug paghatag sa ila ug paglaum dili kalimtan.

Kini ingon-ani ng fulfillment di masukod ug walay sama. Nakita nga ang batan-on nga imong gi-amoma sa eskwela kaya na nga molakaw sa iyang kaugalingong kalsada. Kalsada sa pagtudlo di sayon apan walay sama.

Pito katuig nga pagtudlo, di maihap nga kalipay. Kay sa ginagmay nga paagi nakatabang sa paghulma sa mga estudyante nga nangandoy dili lang para sa kauglingon kundi para sa isig ka-ingon.

END

(Also read Edwin Capon's feature story, The Room, at this link: https://www.facebook.com/DepEdCaragaOfficial/posts/pfbid02HsGdts52CG5Tdq5ZTV4YGJAa9sJBk9Q4n8tYeDuc4SuTLS27PhWzjC462RtooKrfl

NB. 𝑻𝒉𝒊𝒔 𝒑𝒂𝒈𝒆 𝒊𝒏𝒗𝒊𝒕𝒆𝒔 𝒂𝒍𝒍 𝒕𝒆𝒂𝒄𝒉𝒊𝒏𝒈, 𝒏𝒐𝒏-𝒕𝒆𝒂𝒄𝒉𝒊𝒏𝒈 𝒑𝒆𝒓𝒔𝒐𝒏𝒏𝒆𝒍, 𝒍𝒆𝒂𝒓𝒏𝒆𝒓𝒔, 𝒑𝒂𝒓𝒕𝒏𝒆𝒓𝒔, 𝒂𝒏𝒅 𝒐𝒕𝒉𝒆𝒓 𝒔𝒕𝒂𝒌𝒆𝒉𝒐𝒍𝒅𝒆𝒓𝒔 𝒕𝒐 𝒔𝒉𝒂𝒓𝒆 𝒕𝒉𝒆𝒊𝒓 𝒔𝒕𝒐𝒓𝒊𝒆𝒔, 𝒏𝒆𝒘𝒔, 𝒇𝒆𝒂𝒕𝒖𝒓𝒆𝒔, 𝒐𝒑𝒊𝒏𝒊𝒐𝒏𝒔, 𝒑𝒐𝒆𝒎𝒔, 𝒂𝒏𝒅 𝒐𝒕𝒉𝒆𝒓 𝒓𝒆𝒍𝒂𝒕𝒆𝒅 𝒘𝒐𝒓𝒌𝒔 𝒇𝒐𝒓 𝒑𝒖𝒃𝒍𝒊𝒄𝒂𝒕𝒊𝒐𝒏 𝒐𝒏 𝑫𝒆𝒑𝑬𝒅 𝑪𝒂𝒓𝒂𝒈𝒂’𝒔 𝒐𝒇𝒇𝒊𝒄𝒊𝒂𝒍 𝒘𝒆𝒃𝒔𝒊𝒕𝒆𝒔. 𝑨𝒓𝒕𝒊𝒄𝒍𝒆𝒔 𝒎𝒖𝒔𝒕 𝒃𝒆 𝘄𝗿𝗶𝘁𝘁𝗲𝗻 𝒊𝒏 𝒂𝒏 𝒆𝒅𝒊𝒕𝒂𝒃𝒍𝒆 𝒇𝒐𝒓𝒎𝒂𝒕 (𝒘𝒊𝒕𝒉 𝒑𝒊𝒄𝒕𝒖𝒓𝒆𝒔) 𝒂𝒏𝒅 𝒔𝒆𝒏𝒕 𝒗𝒊𝒂 𝒆𝒎𝒂𝒊𝒍 𝒂𝒕 𝗽𝗮𝘂_𝗰𝗮𝗿𝗮𝗴𝗮@𝗱𝗲𝗽𝗲𝗱.𝗴𝗼𝘃.𝗽𝗵