𝐅𝐢𝐥𝐢𝐩𝐢𝐧𝐨 𝐚𝐭 𝐦𝐠𝐚 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐠𝐭𝐮𝐤𝐥𝐚𝐬 𝐚𝐭 𝐏𝐚𝐠𝐥𝐢𝐤𝐡𝐚

Ni 𝚁𝚊𝚖𝚎𝚕 𝙳𝚞𝚛𝚊𝚗𝚐𝚘 𝙼𝚊𝚗𝚕𝚒𝚌𝚊𝚢𝚊𝚗 𝙻𝚊𝚖𝚒𝚗𝚐𝚊 𝙲𝚎𝚗𝚝𝚛𝚊𝚕 𝙴𝚕𝚎𝚖𝚎𝚗𝚝𝚊𝚛𝚢 𝚂𝚌𝚑𝚘𝚘𝚕 𝚂𝚊𝚗 𝙻𝚞𝚒𝚜 𝙳𝚒𝚜𝚝𝚛𝚒𝚌𝚝 𝟸 𝙳𝚒𝚟𝚒𝚜𝚒𝚘𝚗 𝚘𝚏 𝙰𝚐𝚞𝚜𝚊𝚗 𝚍𝚎𝚕 𝚂𝚞𝚛 "𝘉𝘪𝘯𝘵𝘢𝘯𝘢 𝘯𝘨 𝘯𝘢𝘬𝘢𝘳𝘢𝘢𝘯, 𝘱𝘪𝘯𝘵𝘶𝘢𝘯 𝘯𝘨 𝘬𝘪𝘯𝘢𝘣𝘶𝘬𝘢𝘴𝘢𝘯, 𝘺𝘢𝘱𝘢𝘬 𝘰 𝘩𝘢𝘬𝘣𝘢𝘯𝘨 𝘯𝘨 𝘬𝘢𝘴𝘢𝘭𝘶𝘭𝘶𝘺𝘢𝘯, 𝘮𝘢𝘵𝘢 𝘯𝘨 𝘱𝘢𝘨𝘬𝘢𝘬𝘢𝘪𝘴𝘢 𝘯𝘨 𝘮𝘢𝘮𝘢𝘮𝘢𝘺𝘢𝘯. 𝘍𝘪𝘭𝘪𝘱𝘪𝘯𝘰 𝘢𝘵 𝘮𝘨𝘢 𝘒𝘢𝘵𝘶𝘵𝘶𝘣𝘰𝘯𝘨 𝘞𝘪𝘬𝘢: 𝘒𝘢𝘴𝘢𝘯𝘨𝘬𝘢𝘱𝘢𝘯 𝘴𝘢 𝘗𝘢𝘨𝘵𝘶𝘬𝘭𝘢𝘴 𝘢𝘵 𝘱𝘢𝘨𝘭𝘪𝘬𝘩𝘢!" Sa kabila ng pagkakaiba ng kultura sa lipunang ating ginagalawan hindi kailanman maipagkakaiba at mawawala ang imahe, himig, at kahalagahan ng wika; wikang pinag-ugatan ng ating pagkakakilanlan; wikang tumatali sa isipan, damdamin at gawi ng bawat Pilipinoy saan mang dako ng mundo. Ugong ng wikang pinangingibabawan ng pagkabubuklod at humahaplas sa katauhan ng mga Pilipino upang maisakatuparan ang kaaya-ayang komunikasyon; komunikasyong humuhubog at nagpapaalay sa kamalayan tungo sa pagkakaisa. Ito ang wika ng ating kasarinlan. Hindi lingid sa kaalaman na samu't-sari ang mga langwahe na kadalasang ginagamit ng taga Agusan del Sur sa pakikipagkumunikasyon na kung saan ito ay may apat na katutubong wika na ito ay maituturing na orihinal na katutubong wika ng taga Agusan tulad ng Manobo, Higaonon, Banwaon at Talaandig. Ang dominanti nito ay Manobo na makikita nalin sa kahit anumang sulok ng probinsya. Samantalang ang Higaonon ay sa bayan ng Esperanza. Ang Banwaon naman ay sa San Luis at sa ilang parti ng Esperanza at ang Talaandig ay sa kalibliban ng San Luis. Ngunit hindi ito naging hadlang upang hindi magkakaunawaan and bawat Pilipino subalit ang sarili nating wika ang ating maging batayang lakas sa paglinang ng ating kultura. Filipino at mga Katutubong Wika: Kasangkapan sa Pagtuklas at Paglikha. Wikang taglay ang makabuluhang kakayahan at kapangyarihan. Pinagbuklod tayo ng wikang Filipino. Ito ay nagsilbing bintana upang masilayan natin kung paano nagkaisa ang mga Pilipino. Pintuan ng kinabukasan na nagpatuloy sa kaisipan ng mga mamayan upang mapagtanto kung paano hinahawakan ng ating wikang Pambansa ang kamay ng bawat isa. Walang kinikilingan kung kaya ito’y , gumanap bilang mata ng pagkakaisa sa bayan. Nagdudugtong sa kamalayang Pilipino upang mabuo, tumatag, mapanatili at mapag-isa ang ating mga paniniwala't pananaw. Ang pagkakaunawaan ng mga Kristiyano, katutubong tao at Muslim sa Pilipinas ang isang mabuting halimbawa. Ang wikang Filipino ang nagsilbing tulay nang sa ganon ay makatawid ang mga relihiyong ito sa mundo ng kapayapaan at mahinuhang tayo'y lisa. Sa madaling salita, ang wikang Filipino ang yumayakap sa libu-libong pulo sa Perlas ng Silangan. Wikang nagpapahigpit sa paghawak kamay ng mga mamamayan ng ating bayang magiliw at siya ring nagpapalakas sa ating pagka Pilipino. Samakatuwid, ang ating wikang hindi pasisiil ang siya ring pundasyon sa tuluyang pag-iral ng katatagan ng ating kapit sa isa't isa. Taglay natin ang tunay na pagmamahal sa wikang Filipino sapagka't ito ang bumabalot sa ating iisang identidad. Nag-aalab ito sa ating iisang mga puso't buhay na buhay sa ating dibdib. Ating ipagaspas ang pakapak na maglalarawan ng ating lahi. Pagkakabuklod bilang isang nasyong mayroong Filipino at mga Katutubong wika na siyang sangkap sa pagtuklas at paglikha. Bansang namumutawi ang wika ng pagkakaisa. 🅴🅽🅳