𝐁𝐮𝐠𝐬𝐚𝐲 𝐏𝐚𝐫𝐚 𝐒𝐚 𝐁𝐚𝐭𝐚

𝙱𝚋. 𝙳𝚒𝚊𝚗𝚊 𝚁𝚘𝚜𝚎 𝙿𝚊𝚐𝚎𝚗𝚝𝚎 𝙶𝚎𝚘𝚝𝚒𝚗𝚊 𝙴𝚕𝚎𝚖𝚎𝚗𝚝𝚊𝚛𝚢 𝚂𝚌𝚑𝚘𝚘𝚕 𝙳𝚒𝚗𝚊𝚐𝚊𝚝 𝙸𝚜𝚕𝚊𝚗𝚍𝚜 𝙳𝚒𝚟𝚒𝚜𝚒𝚘𝚗 𝗠𝗮𝘁𝗮𝗴 𝘂𝘀𝗮 𝗸𝗮𝗻𝗮𝘁𝗼 𝗮𝗱𝘂𝗻𝗮𝘆 𝗱𝗮𝗺𝗴𝗼 𝘀𝗮 𝗸𝗶𝗻𝗮𝗯𝘂𝗵𝗶. 𝗔𝗻𝗴 𝘂𝗯𝗮𝗻 𝗴𝘂𝘀𝘁𝗼 𝗺𝗮𝗺𝗮𝗵𝗶𝗺𝗼𝗻𝗴 𝗗𝗼𝗸𝘁𝗼𝗿,𝗣𝗶𝗹𝗼𝘁𝗼, 𝗘𝗻𝗵𝗲𝗻𝘆𝗲𝗿𝗼 𝘂𝗴 𝗹𝗮𝗯𝗮𝘄 𝘀𝗮 𝘁𝗮𝗻𝗮𝗻 𝗻𝗮𝗻𝗴𝗮𝗻𝗱𝘂𝘆 𝗺𝗮𝗺𝗮𝗵𝗶𝗺𝗼𝗻𝗴 𝗔𝗯𝗼𝗴𝗮𝗱𝗼. 𝗔𝗽𝗮𝗻 𝗹𝘂𝘆𝗼 𝘀𝗮 𝗮𝘁𝗼𝗻𝗴 𝗺𝗴𝗮 𝗮𝗺𝗯𝗶𝘀𝘆𝗼𝗻 𝗮𝗱𝘂𝗻𝗮𝘆 𝗺𝗴𝗮 𝗽𝗮𝗴𝘀𝘂𝗹𝗮𝘆 𝘀𝗮 𝗸𝗶𝗻𝗮𝗯𝘂𝗵𝗶 𝗻𝗴𝗮 𝗺𝗮𝗼𝘆 𝗺𝗮𝗴𝗽𝗮𝗹𝗶𝗴-𝗼𝗻 𝗮𝗿𝗼𝗻 𝗺𝗮𝗸𝗮𝗯-𝗼𝘁 𝗻𝗮𝘁𝘂 𝗮𝘁𝗼𝗻𝗴 𝗺𝗴𝗮 𝗽𝗮𝗻𝗴𝗮𝗻𝗱𝘂𝘆 𝗼𝗴 𝗺𝗮𝗺𝗮𝗵𝗶𝗺𝗼𝗻𝗴 𝗺𝗮𝗴𝗺𝗮𝗹𝗮𝗺𝗽𝘂𝘀𝗼𝗻. Isip usa ka islander teacher na dinagatnon. Ang akong istorya dili layo sa ubang islahanong magtutudlo. Anaa ang kakapoy sa adlaw adlaw nga trabahuon, pero wala ko kini pamatia mahatod lang ang maayong kalidad sa pagtudlo sa mga kabataan sa ilang pagskwela. Sayo sa kabuntagon, ako mo bangon. Mga gamit sa eskwelahan, akong pagaandamon. Mo byahe ug mo sakay sa habal habal, sulod sa usa ka oras gikan sa panimalay paingon sa Munisipyo sa Cagdinao. Gikan sa Centro, mo byahe napod ko pag usab og usa ka oras, sakay og baruto para maabot ang Sitio sa Manoligao nga sakop sa baryo sa Del Pilar nga diin ako na-assign isip usa ka magtutudlo. Adunay mga higayon nga di maayo ang tempo. Sa lawod usahay kami ma abtan og unos, kung ting amihan maka sugamak gyud og balod nga murag balay ka dagko. Pero ang tanan among kayanon aron mabubu sa atong mga kabatan-onan ang maayong edukasyon. Kining lugara ang nagpa ingganyo ug nagpamata sakoa kung unsa akong katuyoan nganong nahimo akong usa ka maestra. Pipila lang ka mga lumolupyo aning lugara apan sila gihikawan sa mga bag-ong teknolohiya sama sa internet connection, kurente og uban pa, tungod kay layo na kini sa sentro og natabunan pa sa mga bukid nga perte ka dagko. Sa pag abot ko aning lugara, ako naka pang lingo-lingo, kung unsaon ko pagtudlo ning mga bataa, ilabi na karong panahona nga adunay pandemya. Apan bisan sa mga kakulangon, ako ug ang akong mga kaubanang magtutudlo naningkamot nga mahatagan og maayong edukasyon ang mga kabataan nga puno og ambisyon. Bisan balod among tabukon, bisan ulan among adtuon ug bisan bakilid among baktason, matuman lang ang gipanumpaang propesyon. Sa pag puyo ug pakig halubilo ko sa katawhan sa Sitio sa Manoligao, adunay nakapatandog sa akong kasing-kasing nga diin ako nahigmata sa ilang tinood nga kalisod tungod sa ilang kawad-on. Sakit pamalandungon nga para sa ila dali lang ang pagtumba og pagputol sa kahoy aron lamang makasustento sa panginahanglanon sa ilang pamilya, ilabi na sa pang adlaw adlaw nga kalan-on. Ang mga kabataan nahigmata nga ang binuhatan sa ilang mga katigulangan husto ug maayo nga ehemplo og sumbanan. Apan kining nga binuhatan dili maayo ug kini makadaot sa atong kinaiyahan. Ilang gihikawan ang sama sa palasyo nga isla sa Dinagat Islands ang mga nagsunod nga henerasyon. Isip usa ka maestra, ang pagtudlo sa mga bata ang akong prayoridad karong panahona. Dugang niana ako nagpadayon sa pagsulat og mga balak og kwentong bayan nga mamahimo nilang sumbanan, aron sila mahigmata sa kamatuoran. Magtimbayayong kitang tanan para sa atong kalamboan, dili lamang sa kaugalingon pati na usab sa kaayohan sa tibook katawhan. Ako karon mapasalamaton nga nabag-o ug na-utro ang pagpanlantaw nila sa kinabuhi. Aktibo na ang kumonidad sa Sitio Manoligao sa ilang asosasyon nga may kalambigitan sa pag amping sa atong kinaiyahan, sama sa farmers association ug fisher folks. Susama sa lawod, adunay balod. Sama sa bukid, adunay subidahon. Sama usab sa atong kinabuhi adunay mga pagsulay nga di malikayan nga kita mahisukamod, apan dili kini angayan ikahuyang kay kining tanan parti ug lamas lamang aron kita magmalig-on ug mahimong maayong ehemplo nga katawhan. Kini inyong islahanong magtutudlo...Bb. Diane 🅴🅽🅳 NB. 𝑻𝒉𝒊𝒔 𝒑𝒂𝒈𝒆 𝒊𝒏𝒗𝒊𝒕𝒆𝒔 𝒂𝒍𝒍 𝒕𝒆𝒂𝒄𝒉𝒊𝒏𝒈, 𝒏𝒐𝒏-𝒕𝒆𝒂𝒄𝒉𝒊𝒏𝒈 𝒑𝒆𝒓𝒔𝒐𝒏𝒏𝒆𝒍, 𝒍𝒆𝒂𝒓𝒏𝒆𝒓𝒔, 𝒑𝒂𝒓𝒕𝒏𝒆𝒓𝒔, 𝒂𝒏𝒅 𝒐𝒕𝒉𝒆𝒓 𝒔𝒕𝒂𝒌𝒆𝒉𝒐𝒍𝒅𝒆𝒓𝒔 𝒕𝒐 𝒔𝒉𝒂𝒓𝒆 𝒕𝒉𝒆𝒊𝒓 𝒔𝒕𝒐𝒓𝒊𝒆𝒔, 𝒏𝒆𝒘𝒔, 𝒇𝒆𝒂𝒕𝒖𝒓𝒆𝒔, 𝒐𝒑𝒊𝒏𝒊𝒐𝒏𝒔, 𝒑𝒐𝒆𝒎𝒔, 𝒂𝒏𝒅 𝒐𝒕𝒉𝒆𝒓 𝒓𝒆𝒍𝒂𝒕𝒆𝒅 𝒘𝒐𝒓𝒌𝒔 𝒇𝒐𝒓 𝒑𝒖𝒃𝒍𝒊𝒄𝒂𝒕𝒊𝒐𝒏 𝒐𝒏 𝑫𝒆𝒑𝑬𝒅 𝑪𝒂𝒓𝒂𝒈𝒂’𝒔 𝒐𝒇𝒇𝒊𝒄𝒊𝒂𝒍 𝒘𝒆𝒃𝒔𝒊𝒕𝒆𝒔. 𝑨𝒓𝒕𝒊𝒄𝒍𝒆𝒔 𝒎𝒖𝒔𝒕 𝒃𝒆 𝘄𝗿𝗶𝘁𝘁𝗲𝗻 𝒊𝒏 𝒂𝒏 𝒆𝒅𝒊𝒕𝒂𝒃𝒍𝒆 𝒇𝒐𝒓𝒎𝒂𝒕 (𝒘𝒊𝒕𝒉 𝒑𝒊𝒄𝒕𝒖𝒓𝒆𝒔) 𝒂𝒏𝒅 𝒔𝒆𝒏𝒕 𝒗𝒊𝒂 𝒑𝒓𝒊𝒗𝒂𝒕𝒆 𝒎𝒆𝒔𝒔𝒂𝒈𝒆 (𝑷𝑴) 𝒉𝒆𝒓𝒆 𝒐𝒓 𝒆𝒎𝒂𝒊𝒍 𝒂𝒕 𝗽𝗮𝘂_𝗰𝗮𝗿𝗮𝗴𝗮@𝗱𝗲𝗽𝗲𝗱.𝗴𝗼𝘃.𝗽𝗵